புதன், செப்டம்பர் 24 || எதிரிகளை நேசிப்பது எப்படி!

Honey Drops for Every Soul
Sep 24
1 min read

தெளிதேன் துளிகள் வாசிக்க: மத்தேயு 5: 43-48

. மனுஷர் உங்கள் நற்கிரியைகளைக் கண்டு.. உங்கள் பிதாவை மகிமைப்படுத்தும்படி, உங்கள் வெளிச்சம் அவர்கள் முன்பாகப் பிரகாசிக்கக்கடவது. - மத்தேயு 5:16

நமது வாழ்வின் எல்லா சூழ்நிலைகளிலும் நாம் பயன்படுத்தவேண்டிய ஒரு தெய்வீகக் கட்டளை இன்றைய வேதப்பகுதியில் கொடுக்கப்பட்டிருக்கிறது. நல்லோரானாலும் தீயோரானாலும் அனைவரையும் நாம் நேசிக்கவேண்டும் என்ற கட்டளையே அது. கர்த்தர் தமது அன்பை நல்லோர்மேல் மட்டுமல்ல, தீயோர்மேலும் பொழிகிறார். ஆனால் நாமோ யாரை அதிகம் விரும்புகிறோமோ அவர்களிடத்தில் நன்றாகப் பழகுகிறோம். நமக்கு யாரைப் பிடிக்கவில்லையோ அவர்களைவிட்டு விலகியிருக்க முயற்சிக்கிறோம். மத்தேயு 5:44ல், நான் உங்களுக்குச் சொல்லுகிறேன், உங்கள் சத்துருக்களை சிநேகியுங்கள்; உங்களைச் சபிக்கிறவர்களை ஆசீர்வதியுங்கள். உங்களைத் துன்பப்படுத்துகிறவர்களுக்காக ஜெபம்பண்ணுங்கள் என்று இயேசு கூறுகிறார். இந்தக் கட்டளைகள் அனைத்துமே ஒரு மனிதனால் தானாகச் செய்யக்கூடியவையாகத் தோன்றவில்லை. பரிசுத்த ஆவியானவர் நமக்குள் வாசம்செய்து, நம் உள்ளங்கள் அவரால் புதுப்பிக்கப்பட்டால், நம்மாலும் இதைச் சுலபமாகச் செய்துவிடமுடியும். ஆஸ்வால்ட் சேம்பர்ஸ், நமது உள்ளான மனிதனை ஆண்டவர் இயேசு தமதாவியினால் புதுப்பித்தாலே ஒழிய இந்தக் கட்டளைகள் முட்டாள்தனமாகத்தான் தோன்றும் என்று கூறுகிறார்.

அன்பானவர்களே, முடியாதனவற்றை முடிபவையாகவும், அசாதாரணமானதை மிகச் சாதாரணமானதாகவும் மாற்ற தேவ ஆவியானவரால் மட்டுமே கூடும். இயேசுவில் காணப்பட்ட தெய்வீக குணங்கள் நமக்குள்ளேயும் காணப்படவேண்டும் என்றால் நமக்கு பரிசுத்த ஆவியானவரின் துணை நிச்சயம் தேவை. எனவே நாம் பரிசுத்த ஆவியினால் எப்போதும் நிரப்பப்பட்டிருப்போம். பாகுபாடின்றி அனைவரையும் நேசிப்போம்

ஜெபம்: தேவனே, உமது கட்டளைகள் எனக்கு மிகவும் கடினமாகத் தோன்றியதுண்டு. ஆனால், உமது ஆவியின் நிறைவை எனக்கு நீர் தரும்போது அவற்றை என்னால் கைக்கொள்ளமுடியும் என்று அறிந்துகொண்டேன். என் எதிரியையும் நேசிக்க உம் ஆவியின் வல்லமையை எனக்குத் தாரும். ஆமென்.

தெளிதேன் துளிகள்

Our Contact:

EL-SHADDAI LITERATURE MINISTRIES TRUST, CHENNAI - 59.

Office: +91 9444456177